കാസര്‍കോട്: നിയമസഭ തെരഞ്ഞെടുപ്പില്‍ മഞ്ചേശ്വരത്തെ അപര സ്ഥാനാര്‍ഥിക്ക് മത്സരത്തില്‍നിന്ന് പിന്മാറാന്‍ ബി.ജെ.പി സംസ്ഥാന അധ്യക്ഷന്‍ പണം നല്‍കിയെന്ന കേസ് ക്രൈം ബ്രാഞ്ചിന് കൈമാറി. കാസര്‍കോട് ജില്ല ക്രൈംബ്രാഞ്ച് ഡിവൈ.എസ്.പിയുടെ നേതൃത്വത്തിലാകും അന്വേഷണം.
തിങ്കളാഴ്ച സുരേന്ദ്രനെതിരെ കാസര്‍കോട് ബദിയടുക്ക പൊലീസ് കേസ് രജിസ്റ്റര്‍ ചെയ്തിരുന്നു. കോഴ നല്‍കിയെന്നതിന് പുറമെ തട്ടിക്കൊണ്ടുപോകല്‍, തടങ്കലില്‍വെച്ച്‌ ഭീഷണിപ്പെടുത്തല്‍ തുടങ്ങിയ വകുപ്പുകളും ചുമത്തിയിരുന്നു.
മഞ്ചേശ്വരത്തെ ബി.എസ്.പി സ്ഥാനാര്‍ഥി കെ. സുന്ദരക്ക് പത്രിക പിന്‍വലിക്കാന്‍ സുരേന്ദ്രന്‍ പണം കൈമാറിയെന്നതാണ് കേസ്. രണ്ടരലക്ഷം രൂപ, മൊബൈല്‍ ഫോണ്‍ എന്നിവ നല്‍കുകയും വീട്, കര്‍ണാടകയില്‍ വൈന്‍ പാര്‍ലര്‍ തുടങ്ങിയവ വാഗ്ദാനം ചെയ്യുകയുമായിരുന്നു. ബദിയടുക്ക പൊലീസ് കഴിഞ്ഞദിവസം സുന്ദരയുടെ മൊഴി രേഖപ്പെടുത്തിയിരുന്നു.