പെരിന്തല്‍മണ്ണ- കഞ്ചാവ് വില്‍പ്പന നടത്തിയ കേസില്‍ ഒരാള്‍ പിടിയില്‍. നിരവധി കഞ്ചാവ് കേസുകളില്‍ പ്രതിയായ ചക്കുപുരക്കല്‍ ഹംസയെ (57)യാണ് കാപ്പ നിയമപ്രകാരം പെരിന്തല്‍മണ്ണ എസ്‌ഐ കെ.എം.ബിജുവിന്റെ നേതൃത്വത്തിലുള്ള സംഘം അറസ്റ്റുചെയ്തത്. കഞ്ചാവ് വില്‍പ്പനക്ക് പ്രതിയുടെ പേരില്‍ അഞ്ച് പൊലീസ് കേസുകളും എക്‌സൈസിന്റെ ഒരു കേസും നിലവിലുള്ളതാണ്. കഞ്ചാവ് കേസുകളില്‍ ഉള്‍പ്പെട്ട പ്രതികള്‍ ജാമ്യത്തിലിറങ്ങി വീണ്ടും കച്ചവടത്തിനിറങ്ങുന്നത് തടയാനും സ്‌കൂള്‍, കോളജ് പരിസരത്തെ കഞ്ചാവ് ഉപയോഗം കുറയ്ക്കുന്നതിനുമായാണ് നടപടികള്‍. പ്രതിയെ വിയ്യൂര്‍ സെന്‍ട്രല്‍ ജയിലിലേക്ക് റിമാന്‍ഡ് ചെയ്തു.