പാലക്കാട്: വധശ്രമക്കേസിൽ ഒളിവിലായിരുന്നയാൾ വന്ദേഭാരത് ട്രെയിനിൽ പാലക്കാട് റെയിൽവേ സ്റ്റേഷനിൽ പിടിയിലായി. ആറ്റിങ്ങൽ സ്വദേശിയായ ബിജു എന്ന അയ്യപ്പനെയാണ് റെയിൽവേ പൊലീസ് അറസ്റ്റ് ചെയ്തത്. ഇയാൾക്കെതിരെ വിവിധ സ്റ്റേഷനുകളിലായി 21ഓളം കേസുകളുണ്ടെന്നാണ് പൊലീസ് പറയുന്നത്.

ബെംഗളൂരുവിലേക്ക് കടക്കാൻ ശ്രമിക്കുന്നതിനിടെയാണ് ഇയാൾ പിടിയിലായതെന്നാണ് വിവരം. റെയിൽവേ എസ്.പി. ബി. കൃഷ്ണകുമാറിന് ലഭിച്ച രഹസ്യവിവരത്തെത്തുടർന്ന് നടത്തിയ പരിശോധനയിലാണ് പ്രതിയെ കണ്ടെത്തിയത്.

എസ്.ഐ. പ്രവീൺ കെ.ജെയുടെ നേതൃത്വത്തിലുള്ള സംഘമാണ് അറസ്റ്റ് ചെയ്തത്. എ.എസ്.ഐ. ജയൻ ജോസഫ്, സി.പി.ഒമാരായ സുനിൽകുമാർ, അബു താഹിർ എന്നിവരും സംഘത്തിലുണ്ടായിരുന്നു.

തുടർനടപടികൾക്കായി പ്രതിയെ ആറ്റിങ്ങൽ പൊലീസിന് കൈമാറി.

ഗുണപാഠം: കുറ്റകൃത്യങ്ങളിൽ ഏർപ്പെട്ട് നിയമത്തിൽനിന്ന് ഒളിച്ചോടാൻ ശ്രമിച്ചാലും നിയമത്തിന്റെ പിടിയിൽനിന്ന് രക്ഷപ്പെടാനാവില്ല. കുറ്റം ചെയ്തവർ നിയമത്തിനു മുന്നിൽ ഉത്തരവാദികളാകണം.