കണ്ണൂര്: ടി.പി.സെന്കുമാറിനെ വീണ്ടും ഡിജിപി സ്ഥാനത്ത് നിയോഗിക്കണമെന്ന സുപ്രീംകോടതി വിധിക്ക് പിന്നാലെ മുഖ്യമന്ത്രി പിണറായി വിജയനും പോലീസ് മേധാവി ലോക്നാഥ് ബെഹ്റയും കൂടിക്കാഴ്ച നടത്തി.
കണ്ണൂര് ഗസ്റ്റ് ഹൗസിലായിരുന്നു കൂടിക്കാഴ്ച. മുഖ്യമന്ത്രിയുടെ പോലീസ് ഉപദേശകന് രമണ് ശ്രീവാസ്തവയും കൂടിക്കാഴ്ചയില് പങ്കെടുത്തു. വിധിയുടെ പശ്ചാത്തലത്തില് സര്ക്കാര് സ്വീകരിക്കാന് പോകുന്ന നിലപാട് ഡിജിപിയെ അറിയിച്ചുവെന്നാണ് വിവരം.