അബുദാബി: ലോകത്തെ ഏറ്റവും ഭാരമേറിയ വനിത ഇമാന് അബ്ദുല് അത്തി തടി കുറക്കാനുള്ള ചികിത്സക്കിടെ മരണപ്പെട്ടു. ചികിത്സക്കിടെ ആരോഗ്യനില വഷളാവുകയും മരണമടയുകയുമായിരുന്നു. രക്തത്തിന്റെ അളവ് കുറഞ്ഞതും വൃക്കയുടെ പ്രവര്ത്തനം നിലച്ചതും മരണത്തിനിടയാക്കിയതായി ഡോക്ടര്മാര് അറിയിച്ചു.
പുലര്ച്ചെയായിരുന്നു മരണം. മുംബൈയില് വണ്ണം കുറക്കാനുള്ള ശസ്ത്രക്രിയക്ക് വിധേയയായിരുന്നു യുവതി. പിന്നീട് അബുദാബിയിലേക്ക് കൊണ്ട് പോയി. മെയ് ആദ്യവാരമാണ് അബുദാബിയില് ചികിത്സ ആരംഭിച്ചത്. ചികിത്സയുടെ ഫലമായി കൈ ഉപയോഗിച്ച് ഭക്ഷണവും മരുന്നും കഴിക്കാനും കുപ്പി തുറന്നു വെള്ളം കുടിക്കാനും ഇമാന് കഴിഞ്ഞിരുന്നു.