കൊച്ചി: വരാപ്പുഴ പൊലീസ് കസ്റ്റഡിയിലെടുത്ത ശ്രീജിത്ത് മരിച്ച സംഭവത്തില് പൊലീസ് ഉദ്യോഗസ്ഥരെ സര്വ്വീസില് നിന്ന് മാറ്റി നിര്ത്തണമെന്ന് മനുഷ്യാവകാശ കമ്മീഷന് ആക്റ്റിങ് ചെയര്മാന് പി മോഹന്ദാസ്. ശ്രീജിത്തിനെതിരായ മര്ദനത്തില് മനുഷ്യാവകാശ കമ്മീഷന് നേരത്തെ സ്വമേധയാ കേസെടുത്തിരുന്നു.
ഇതിനിടെ ശ്രീജിത്ത് മരിച്ചത് ചെറുകുടലിനേറ്റ ചവിട്ട് മൂലമാണെന്ന ചികിത്സാ രേഖകള് പുറത്ത് വന്നിരുന്നു. അടിവയറ്റില് കടുത്ത ആഘാതമേറ്റിരുന്നു. ഇത് ആരോഗ്യനില വഷളാക്കിയെന്നും രേഖകള് പറയുന്നു. ചെറുകുടലില് നീളത്തില് മുറിവുണ്ടായിരുന്നു. ശനിയാഴ്ച ആശുപത്രിയില് എത്തിക്കുമ്ബോള് പൊലീസ് മര്ദ്ദനത്തില് ശ്രീജിത്തിന്റെ ആന്തരിക അവയവങ്ങള് പ്രവര്ത്തന രഹിതമായിരുന്നു. അടിയന്തര ശസ്ത്രക്രിയയ്ക്ക് വിധേയനാക്കിയെങ്കിലും കഴിഞ്ഞ ദിവസം വൈകുന്നേരത്തോടെ ഹൃദയാഘാതത്തെ തുടര്ന്ന് ശ്രീജിത്ത് മരിക്കുകയായിരുന്നു
ഐജി ശ്രീജിത്താണ് ശ്രീജിത്തിന്റെ കസ്റ്റഡി മരണം അന്വേഷിക്കുന്നത്.