ന്യൂഡല്ഹി: വീട്ടമ്മയെ പീഡിപ്പിച്ച കേസില് ഒന്നാം പ്രതിയായ വൈദികന് സുപ്രീംകോടതിയില് മുന്കൂര് ജാമ്യാപേക്ഷ നല്കി. ഫാദര് എബ്രഹാം വര്ഗീസാണ് മുന്കൂര് ജാമ്യാപേക്ഷ നല്കിയത്. വൈദികരുടെ ജാമ്യാപേക്ഷ ഹൈകോടതി നേരത്തെ തള്ളിയിരുന്നു. ഇതിനെ തുടര്ന്നാണ് സുപ്രീംകോടതിയെ സമീപിച്ചത്.
അതിനിടെ വൈദികരെ അറസ്റ്റ് ചെയ്യുന്നതിനുള്ള നീക്കങ്ങളുമായി അന്വേഷണസംഘം മുന്നോട്ട് പോവുകയാണ്. പ്രതികള് വിദേശത്തേക്ക് കടക്കാന് സാധ്യത മുന്നില് കണ്ട് അന്വേഷണസംഘം എബ്രഹാം വര്ഗീസിെന്റ പാസ്പോര്ട്ട് പിടിച്ചെടുത്തിട്ടുണ്ട്. പ്രതികള്ക്കായി ബന്ധുവീടുകളില് അടക്കം വ്യാപക തിരച്ചില് ആരംഭിച്ചിട്ടുണ്ട്. ഫോണ് സംഭാഷണങ്ങളും പൊലീസ് നിരീക്ഷിക്കുന്നുണ്ട്.
കേസിലെ ഒന്നാം പ്രതിയായ എബ്രഹാം വര്ഗീസിനെയും നാലാം പ്രതി ജോയ്സ് െക. ജോര്ജിനെയുമാണ് ഇനിയും പിടികൂടാനുള്ളത്. ഇവരെ സമ്മര്ദത്തിലാക്കി കീഴടങ്ങാന് നിര്ബന്ധിതരാക്കുന്ന നീക്കവുമായാണ് അന്വേഷണം സംഘം മുന്നോട്ടു പോകുന്നത്.