ന്യൂഡല്ഹി: ട്വിറ്ററില് 110 ലക്ഷം ഫോളോവേഴ്സ് പിന്നിട്ട് ബിജെപി. ഐടി സെല് മേധാവി അമിത് മാളവ്യയാണ് ശനിയാഴ്ച ഇക്കാര്യം ട്വിറ്റര് ലോകത്തെ അറിയിച്ചത്. രണ്ടാം സ്ഥാനക്കാരായ കോണ്ഗ്രസിനേക്കാള് ഫോളോവേഴ്സില് ബഹുദൂരം മുന്നിലാണു ബിജെപി. 51.4 ലക്ഷം ഫോളോവേഴ്സ് മാത്രമാണ് കോണ്ഗ്രസിനു ട്വിറ്ററിലുള്ളത്.
പ്രധാനമന്ത്രി നരേന്ദ്ര മോദിയാണ് ഏറ്റവും കൂടുതല് പേര് പിന്തുടരുന്ന ഇന്ത്യന് രാഷ്ട്രീയക്കാരന്. 4.7 കോടി ആളുകളാണ് മോദിയെ ട്വിറ്ററില് പിന്തുടരുന്നത്.
ഏറ്റവും കൂടുതല് പിന്തുടര്ച്ചക്കാരുള്ള ലോക രാഷ്ട്രീയ നേതാക്കളില് മൂന്നാം സ്ഥാനത്താണ് മോദി. യുഎസ് മുന് പ്രസിഡന്റ് ബരാക് ഒബാമ (10.6 കോടി), യുഎസ് പ്രസിഡന്റ് ഡോണള്ഡ് ട്രംപ് (6.02 കോടി) എന്നിവരാണ് ആദ്യ രണ്ടു സ്ഥാനങ്ങളില്. കോണ്ഗ്രസ് അധ്യക്ഷന് രാഹുല് ഗാന്ധിക്ക് 94 ലക്ഷം ഫോളോവേഴ്സാണ് ട്വിറ്ററിലുള്ളത്.