കൊച്ചി: കേന്ദ്രമന്ത്രിയാക്കാത്തതില് വിഷമം ഇല്ലെന്ന് ബിജെപി നേതാവ് അല്ഫോന്സ് കണ്ണന്താനം. മന്ത്രിയായിരുന്നപ്പോള് നല്ലത് ചെയ്യാന് കഴിഞ്ഞു. എംപിയെന്ന നിലയില് ചെയ്യാനുള്ള കാര്യങ്ങള് ശ്രദ്ധിക്കുമെന്നും കണ്ണന്താനം പറഞ്ഞു.
ബിജെപിക്ക് കേരളത്തില് ഈ വളര്ച്ച പോരെന്നും കണ്ണന്താനം പറഞ്ഞു. ബംഗാളിലും ത്രിപുരയിലുമുണ്ടായ വളര്ച്ച കേരളത്തില് ഉണ്ടായില്ല. കൂട്ടായ പ്രവര്ത്തനത്തിലൂടെ വളര്ച്ച വേഗത്തിലാക്കണമെന്നും അദ്ദേഹം കൂട്ടിച്ചേര്ത്തു.
കേന്ദ്രമന്ത്രി സഭയില് കേരളത്തിന് പ്രാതിനിധ്യമുണ്ടാകുമെന്ന് റിപ്പോര്ട്ടുകള് വന്നപ്പോള് കണ്ണന്താനത്തെ പരിഗണിക്കുമെന്നാണ് എല്ലാവരും കരുതിയിരുന്നത്. എന്നാല് അപ്രതീക്ഷിതമായി കണ്ണന്താനത്തെ പരിഗണിക്കാതെ വി.മുരളീധരനെ മന്ത്രിയാക്കുകയായിരുന്നു.
