ന്യൂ ഡല്ഹി : മരടിലെ ഫ്ലാറ്റുകള് ഒഴിയുന്നതിന് സമയം നീട്ടി നല്കണമെന്നാവശ്യപ്പെട്ട് ഫ്ലാറ്റുടമകള് സമര്പ്പിച്ച ഹര്ജിയില് നിലപാട് കടുപ്പിച്ച് സുപ്രീം കോടതി ജഡ്ജി അരുണ് മിശ്ര. ഒരു മണിക്കൂര് പോലും കേസില് നീട്ടി നല്കില്ല എന്നും ഉത്തരവ് അന്തിമമാണെന്നുമാണ് ജഡ്ജി കോടതിയില് പറഞ്ഞത്.
ഫ്ലാറ്റുകള് ഒഴിയുന്നതിന് ഒരാഴ്ചത്തെ സമയം വേണമെന്നാവശ്യപ്പെട്ടാണ് ഫ്ലാറ്റുടമകള് കോടതിയെ സമീപിച്ചത്. കേസില് എന്താണ് നടന്നതെന്ന് നിങ്ങള്ക്കറിയില്ലെന്നും ഇതിന് ഇനിയൊരു പോംവഴിയില്ലെന്നും ഉടമകള്ക്ക് നിയമം അറിയില്ലെന്നും ജഡ്ജി പറഞ്ഞു. കോടതിയില് ക്ഷുഭിതനായ ജസ്റ്റിസ് അരുണ് മിശ്ര എല്ലാവരോടും പുറത്ത് പോകാനും ആവശ്യപ്പെട്ടു. പ്രശ്നത്തില് പരമാവധി ക്ഷമിച്ചെന്നും ഇനി സാധിക്കില്ലെന്നും അദ്ദേഹം പറഞ്ഞു.