കൊച്ചി: സംസ്ഥാനത്ത് സ്വര്‍ണവില കുതിച്ചുയരുന്നു. ഇന്ന് പവന് 35,800രൂപയാണ്. ഈ മാസത്തെ ഏറ്റവും ഉയര്‍ന്ന വിലയാണിത്. രൂപയുടെ മൂല്യം ഡോളറിനെതിരെ മെച്ചപ്പെട്ട സാഹചര്യത്തിലാണ് സ്വര്‍ണവില രാജ്യത്ത് കൂടുന്നത്. സുരക്ഷി​ത നിക്ഷേപമെന്ന നി​ലയി​ല്‍ സ്വര്‍ണം വാങ്ങി​ക്കൂട്ടുന്നതും വി​ല വര്‍ദ്ധനവി​ന് കാരണമാകുന്നുണ്ടെന്നാണ് റി​പ്പോര്‍ട്ട്. ഇന്നലെ പവന് 35520 രൂപയായി​രുന്നു. സ്വര്‍ണവില സമീപഭാവിയില്‍ വലിയ രീതിയില്‍ കുറയാന്‍ സാദ്ധ്യതയില്ലെന്നാണ് റിപ്പോര്‍ട്ടുകള്‍ സൂചി​പ്പി​ക്കുന്നത്.