പാലക്കാട്: കോവിഡ് വ്യാപനം അതിരൂക്ഷമായ പട്ടാമ്പി താലൂക്കില് പൂര്ണമായി ലോക്ഡൗണ് പ്രഖ്യാപിച്ചു. സമീപ പഞ്ചായത്തായ നെല്ലായയിലും ലോക്ഡൗണ് ഏര്പ്പെടുത്തിയിട്ടുണ്ട്. മുതുതല,തൃത്താല തുടങ്ങിയ പഞ്ചായത്തുകളിലും കോവിഡ് വ്യാപനമുണ്ടായതായി സംശയിക്കുന്നുണ്ട്.
പട്ടാമ്പിയിലെ സ്ഥിതിഗതികള് അതീവഗുരുതരമാണെന്ന് മന്ത്രി എ.കെ.ബാലന് പറഞ്ഞു. കര്ശന നിയന്ത്രണങ്ങള് പാലിച്ചില്ലെങ്കില് കാര്യങ്ങള് കൈവിട്ടുപോകുമെന്ന് മന്ത്രി പറഞ്ഞു.
പട്ടാമ്പിയിലും പരിസരങ്ങളിലും കോവിഡ് ക്ലസ്റ്ററുകള് രൂപപ്പെട്ടിട്ടുണ്ട്. പട്ടാമ്പി മല്സ്യമാര്ക്കറ്റില് നിന്നാണ് ക്ലസ്റ്റര് ഉണ്ടായിട്ടുള്ളത്. സമീപ പ്രദേശങ്ങളിലേക്ക് മാര്ക്കറ്റില് നിന്ന് മല്സ്യകൊണ്ടു പോയിട്ടുള്ളതിനാല് പലപഞ്ചായത്തുകളും സാമൂഹ്യവ്യാപനത്തിന്റെ ഭീതിയിലാണ്. കണ്ടയ്്ന്മെന്റ് സോണുകളില് കര്ശനനിയന്ത്രങ്ങള് അനിവാര്യമാണെന്ന് അദ്ദേഹം അറിയിച്ചു.