തിരുവനന്തപുരം: കേന്ദ്ര പിന്തുണയോടെ ആര്എസ്എസ് ആക്രമണോത്സുകത കാണിക്കുന്നുവെന്ന് മുഖ്യമന്ത്രി പിണറായി വിജയന്. കൊല നടത്തുകയും കള്ളം പ്രചരിപ്പിച്ച് ജനങ്ങളെ തെറ്റിധരിപ്പിക്കുകയുമാണ് ആര്എസ്എസ് ചെയ്യുന്നത്. മുന്കൂട്ടി തയാറാക്കിയ ആക്രമണമാണ് ആര്എസ്എസ് നടത്തുന്നതെന്നും അവര് രക്തദാഹം അവസാനിപ്പിക്കുന്നില്ലെന്നും മുഖ്യമന്ത്രി തുറന്നടിച്ചു. കണ്ണൂര് പിണറായിയില് ബിജെപി പ്രവര്ത്തകന് രമിത് വെട്ടേറ്റ് മരിച്ച സംഭവത്തിലായിരുന്നു മുഖ്യമന്ത്രിയുടെ പ്രതികരണം. രണ്ടു ദിവസം മുന്പ് സിപിഎം ലോക്കല് കമ്മിറ്റി അംഗവും ബ്രാഞ്ച് സെക്രട്ടറിയുമായ മോഹനനും വെട്ടേറ്റ് കൊല്ലപ്പെട്ടിരുന്നു.