ദോഹ: സൗദി അറേബ്യയും ബഹ്റൈനും ഉള്പ്പെടെയുള്ള ഗള്ഫ് രാജ്യങ്ങള് ഖത്തറുമായുള്ള നയതന്ത്ര ബന്ധം വിച്ഛേദിച്ചതോടെ ആശങ്കയിലായി ഫിഫയും. 2022 ഖത്തര് ലോകകപ്പിന്റെ മുന്നൊരുക്കങ്ങളിലും നടത്തിപ്പിലും തങ്ങളുടെ ആശങ്ക അന്താരാഷ്ട്ര ഫുട്ബോള് സംഘടന ഖത്തറിനെ അറിയിച്ചു.
ഖത്തര് ലോകകപ്പ് സംഘാടനസമിതിയുമായി നിരന്തര സമ്പര്ക്കത്തിലാണെന്ന് ഫിഫ അറിയിച്ചു. എങ്കിലും ഗള്ഫ് രാജ്യങ്ങളുടെ ഇടയില് നിലനില്ക്കുന്ന നയതന്ത്രപ്രതിസന്ധിയെക്കുറിച്ച് പ്രതികരിക്കാന് ഫിഫ തയ്യാറായില്ല.
അതേസമയം ഖത്തര് ലോകകപ്പ് സംഘാടകസമിതിയും എഷ്യന് ഫുട്ബോള് കോണ്ഫെഡറേഷനും സംഭവത്തില് പ്രതികരിക്കാന് തയ്യാറായിട്ടില്ല. സൗദി അറേബ്യ, ഈജിപ്റ്റ്, യുഎഇ തുടങ്ങിയ രാജ്യങ്ങള് തിങ്കളാഴ്ച്ചയാണ് ഖത്തര് തീവ്രവാദത്തെ പ്രോത്സാഹിപ്പിക്കുകയാണ് എന്നാരോപിച്ച് രാജ്യവുമായുള്ള നയതന്ത്രബന്ധം വിച്ഛേദിക്കുകയാണെന്ന് പ്രഖ്യാപിച്ചത്.