കൊച്ചി: സ്ത്രീ പീഢനക്കേസില് ആരോപണ വിധേയനായ കോവളം എംഎല്എ എം.വിന്സന്റ് രാജിവയ്ക്കണമെന്ന് എഐസിസി അംഗം ഷാനിമോള് ഉസ്മാന്.
എംഎല്എയ്ക്കെതിരേ ഗുരുതരമായ ആരോപണങ്ങള് പുറത്തുവന്നതിന് പിന്നാലെയാണ് കോണ്ഗ്രസിന്റെ മുതിര്ന്ന വനിത അംഗം രാജി ആവശ്യവുമായി രംഗത്തുവന്നിരിക്കുന്നത്.
കോണ്ഗ്രസ് എം.എല്.എ തന്നെ നിരന്തരം പീഢിപ്പിക്കുന്നുവെന്ന വീട്ടമ്മയുടെ മൊഴിയുടെ അടിസ്ഥാനത്തിലാണ് വിന്സെന്റിനെതിരെ കേസ് എടുത്തിരുന്നത്.
ജീവനൊടുക്കാന് ശ്രമിച്ച യുവതി എംഎല്എയ്ക്കെതിരായ പരാതിയില് ഉറച്ചുനിന്നതോടെയാണ് പോലീസ് ഇവരുടെ മൊഴി രേഖപ്പെടുത്തിയത്.
ഫോണ് രേഖകള് പരിശോധിച്ച പോലീസ് ഇരുവരും തമ്മില് കഴിഞ്ഞ മാസം തൊള്ളായിരത്തോളം തവണ വിളിച്ചുവെന്നും കണ്ടെത്തിയിരുന്നു. വിന്സെന്റിനെ ഉടന് അറസ്റ്റ് ചെയ്യുമെന്നും റിപ്പോര്ട്ടുകളുണ്ട്.