മിഷിഗണ്: വിമാനത്തില് വെച്ച് യുവതിയെ മാനഭംഗപ്പെടുത്താന് ശ്രമിച്ച ഇന്ത്യക്കാരന് അറസ്റ്റില്. യുഎസില് താത്കാലിക വിസയില് താമസിക്കുന്ന പ്രഭു രാമമൂര്ത്തിയെയാണ് ബുധനാഴ്ച ലാസ് വേഗസില്നിന്നു ഡിട്രോയിറ്റിലേക്കുള്ള സ്പിരിറ്റ് എയര്ലൈന്സ് യാത്രക്കിടെ പോലീസ് അറസ്റ്റ് ചെയ്തത്. അതേസമയം സംഭവസമയത്ത് പ്രഭുവിന്റെ ഭാര്യയും ഇയാള്ക്കൊപ്പമുണ്ടായിരുന്നു. ഇവരും യുഎസില് താത്കാലിക വിസയിലാണ് താമസിക്കുന്നത്.
യാത്രയ്ക്കിടെ പ്രഭു സഹയാത്രികയായ ഇരുപത്തിരണ്ടുകാരിയെ മാനഭംഗപ്പെടുത്താന് ശ്രമിക്കുകയായിരുന്നു. യുവതി ഉറങ്ങിയ സമയം യുവാവ് തന്റെ വസ്ത്രത്തില് കൈകടത്തുകയായിരുന്നു എന്നാണ് യുവതിയുടെ ആരോപണം. തുടര്ന്ന് ഞെട്ടിയുണര്ന്ന യുവതി വിമാന ജീവനക്കാരോടു പരാതിപ്പെടുകയായിരുന്നു. യുവതിയുടെ പരാതിയുടെ അടിസ്ഥാനത്തില് മിഷിഗണ് പോലീസ് യുവാവിനെ അറസ്റ്റ് ചെയ്തു. ഇയാളെ പിന്നീട് മിഷിഗണ് കോടതിയില് ഹാജരാക്കി.