ന്യൂഡല്ഹി: ഡല്ഹി അന്താരാഷ്ട്ര വിമാനത്താവളത്തില് ജെറ്റ് എയര്വെയ്സ് വിമാനത്തിന്റെ ചിറക് കാറ്ററിങ് ട്രക്കില് ഇടിച്ചു. ദുബായില് നിന്നെത്തിയ വിമാനത്തില് 133 പേരുണ്ടായിരുന്നു.
റണ്വേയില് ഇറങ്ങിയ വിമാനം മൂന്നാം ടെര്മിനലിലെ പാര്ക്കിങ് ബേയിലേക്ക് കൊണ്ടുവരുന്നതിനിടെയാണ് താജ്സ്റ്റാസ് എയര് കാറ്ററിങ് കമ്ബനിയുടെ ട്രക്കില് ഇടിച്ചത്. ഞായറാഴ്ച വൈകിട്ട് എട്ടിനായിരുന്നു സംഭവം.
അപകടമുണ്ടായ ഉടന് വിമാനത്തിലുണ്ടായിരുന്നവരെ സുരക്ഷിതമായി പുറത്തിറക്കി. 125 യാത്രക്കാരും എട്ട് ജീവനക്കാരുമായിരുന്നു വിമാനത്തിലുണ്ടായിരുന്നത്. വിമാനം സാങ്കേതിക വിഭാഗം പരിശോധിച്ചു വരികയാണ്. അപകടത്തേക്കുറിച്ച് വിശദമായ അന്വേഷണം നടത്തിയ ശേഷം അധികൃതര്ക്ക് റിപ്പോര്ട്ട് സമര്പ്പിക്കുമെന്ന് ജെറ്റ് എയര്വേയ്സ് അറിയിച്ചു.