തിരുവനന്തപുരം : സംസ്ഥാനത്ത് മഴക്കെടുതി രൂക്ഷമാകുന്ന സാഹചര്യത്തില് മുഖ്യമന്ത്രി അടിയന്തര യോഗം വിളിച്ചു. അഡീഷണല് ചീഫ് സെക്രട്ടറി പി.എച്ച് കുര്യന് അടക്കമുള്ള ഉന്നത ഉഗ്യോഗസ്ഥര് യോഗത്തില് പങ്കെടുക്കും.കൊല്ലം, തിരുവനന്തപുരം ഒഴികെയുള്ള എല്ലാ ജില്ലകളിലും കനത്തമഴയാണ് പെയ്യുന്നത്. മഴ കൂടുതല് ശക്തിപ്രാപിക്കുകയാണ്. ഒഡീഷ തീരത്ത് രൂപം കൊണ്ട ന്യൂനമര്ദ്ദമാണ് ശക്തമായ മഴയ്ക്ക് കാരണമായത്.
ഈ ന്യൂന മര്ദ്ദത്തിന്റെ ശക്തി ഇതുവരെ കുറഞ്ഞിട്ടില്ല. ഇത് ആശങ്കയുണ്ടാക്കുന്നുണ്ട്. സംസ്ഥാനത്ത് 12 ജില്ലകളില് റെഡ് അലേര്ട്ട് പ്രഖ്യാപിച്ചു. 33 ഡാമുകളുടെ ഷട്ടറുകള് തുറന്നു.വിവിധ കേന്ദ്ര സേനകള് കുറേനാളുകളായി സംസ്ഥാനത്ത് രക്ഷാ പ്രവര്ത്തനങ്ങള് നടത്തുന്നുണ്ട്. കൂടുതല് സേനയെ ആവശ്യപ്പെടേണ്ട സാഹചര്യമാണ് നിലവിലുള്ളത്.