കൊച്ചി: മകളുടെ വിവാഹത്തിനായി കരുതിയ തുക മുഖ്യമന്ത്രിയുടെ ദുരിതാശ്വാസ നിധിയിലേക്ക് നല്കി കൊച്ചി മേയര് മാതൃകയായി. ആഗസ്റ്റ് 22ന് നടക്കാനിരിക്കുന്ന മകളുടെ വിവാഹത്തിനായി കരുതിവെച്ച തുകയാണ് മേയര് സൗമിനി ജെയിന് ദുരിതാശ്വാസനിധിയിലേക്ക് നല്കിയത്.
പ്രളയദുരിതത്തിന്റെ പശ്ചാത്തലത്തില് ആഘോഷങ്ങള് ഒഴിവാക്കി, ഉറ്റ ബന്ധുക്കള് മാത്രം പങ്കെടുക്കുന്ന ചെറു ചടങ്ങായി വിവാഹം നടത്താനാണ് ഇപ്പോഴത്തെ തീരുമാനമെന്ന് മേയര് സൗമിനി ജെയിന് അറിയിച്ചു.