തിരുവനന്തപുരം: കേരളത്തിന്റെ മതനിരപേക്ഷത തകര്ക്കുന്നത് ഗൗരവമായി കാണണമെന്ന് മുഖ്യമന്ത്രി പിണറായി വിജയന്. മതനിരപേക്ഷത ആപത്തായി കാണുന്നവര് അത് തകര്ക്കാന് ശ്രമിക്കുന്നുവെന്നും മതനിരപേക്ഷത ഭരണഘടനയുടെ ഭാഗമാക്കിയ രാജ്യമാണ് നമ്മുടേതെന്നും മുഖ്യമന്ത്രി പറഞ്ഞു.
പൊലീസിനെ ജാതിമത പേര് പറഞ്ഞ് ഭിന്നിപ്പിക്കാന് ശ്രമിക്കുന്നുവെന്നും ഇത്തരം ശ്രമങ്ങളെ ഒറ്റപ്പെടുത്തണമെന്നും പൊലീസില് ഒറ്റ ജാതിയും മതവുമാണുള്ളതെന്നും അത് പൊലീസ് തന്നെയാണെന്നും മുഖ്യമന്ത്രി കൂട്ടിച്ചേര്ത്തു.