ദുബായ്: സാമൂഹികപ്രവര്ത്തകനായ പ്രവാസി മലയാളിയെ യുഎഇയില് ജീവനൊടുക്കിയ നിലയില് കണ്ടെത്തി. സന്ദീപ് വെള്ളാളൂര് (35) ആണു മരിച്ചത്. റാസല്ഖൈമ എമിരേറ്റിലെ സര്വേയറായിരുന്നു സന്ദീപ്. ഇയാള് നടത്തിയിരുന്ന ട്രാന്പോര്ട്ട് കന്പനിയില് നേരിട്ട നഷ്ടമാണു ജീവനൊടുക്കലിനു പിന്നിലെന്നാണു സൂചനയെന്നു ഖലീജ് ടൈംസ് റിപ്പോര്ട്ട് ചെയ്യുന്നു.
റാസല്ഖൈമയില് മറ്റും നിരവധി സാമൂഹിക പ്രവര്ത്തന സംഘടനയിലെ സജീവ പ്രവര്ത്തകനായിരുന്നു സന്ദീപ്. ജീവനൊടുക്കുന്ന സമയം ഇദ്ദേഹത്തിനൊപ്പം താമസിച്ചിരുന്നവര് മുറയിലുണ്ടായിരുന്നില്ല. ജോലി കഴിഞ്ഞെത്തിയ സുഹൃത്തുക്കളാണു സന്ദീപിനെ മരിച്ച നിലയില് കണ്ടെത്തിയത്. സംഭവത്തില് പോലീസ് അന്വേഷണം ആരംഭിച്ചതായി റിപ്പോര്ട്ടില് പറയുന്നു.
യുലന് കലാ സാഹിതി, ഫ്രണ്ട്സ് ക്രിക്കറ്റ് അസോസിയേഷന് എന്നിവയില് സന്ദീപ് സംഘടനാ പദവികള് വഹിച്ചിരുന്നു. മൂന്നു വര്ഷം മുന്പു കുടുംബത്തെ നാട്ടിലേക്കു തിരിച്ചയച്ചശേഷം സുഹൃത്തുക്കള്ക്കൊപ്പമാണ് ഇദ്ദേഹം കഴിഞ്ഞിരുന്നത്.
