എന്എസ്എസിനെതിരെ രൂക്ഷ വിമര്ശനങ്ങള് ഉന്നയിച്ച് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന് അതേനാണയത്തില് മറുപടിയുമായി എന്എസ്എസ്. കോടിയേരി വല്ലാതെ അതിരുകടക്കുന്നുവെന്ന് എന്എസ്എസ് ജനറല് സെക്രട്ടറി ജി.സുകുമാരന് നായര് കുറ്റപ്പെടുത്തി. അധികാരം കൈയിലുണ്ടെന്നു കരുതി എന്തും പറയാമെന്ന് കോടിയേരി ധരിക്കരുതെന്നും സുകുമാരന് നായര് ഓര്മിപ്പിച്ചു.
കോടിയേരി പറഞ്ഞതിനൊക്കെ തക്കതായ മറുപടിയുണ്ട്. എന്നാല് അത് പറയാന് തങ്ങളുടെ സംസ്കാരം അനുവദിക്കുന്നില്ല- ജനറല് സെക്രട്ടറി തുറന്നടിച്ചു. വിശ്വാസ സംരക്ഷണത്തിലെ വൈരുധ്യമാണ് എന്എസ്എസും സിപിഎമ്മും തമ്മിലുള്ള അകല്ച്ചയ്ക്ക് കാരണം. എന്എസ്എസില് ചേരിതിരിവുണ്ടാക്കാന് ശ്രമിച്ചാല് അതിനെ ശക്തമായി നേരിടുമെന്നും സുകുമാരന് നായര് കൂട്ടിച്ചേര്ത്തു.