ന്യൂഡല്ഹി: എഎപി സഖ്യത്തിനു കോണ്ഗ്രസില് താല്പര്യമില്ലെന്നു കേജരിവാള് വ്യക്തമാക്കിയ പശ്ചാത്തലത്തില് ഡല്ഹിയില് ആം ആദ്മി പാര്ട്ടിയുമായി സഖ്യത്തിലെത്താന് രാഹുല് ഗാന്ധി തന്നെ നേരിട്ടിറങ്ങുന്നു. സംസ്ഥാന കോണ്ഗ്രസ് നേതാക്കള് എഎപിയുമായി നടത്തിയ ചര്ച്ചകള് ഫലം കാണാതാതെവന്നതോടെയാണ് അധ്യക്ഷന് രാഹുല് ഗാന്ധി ഇടപെടുന്നത്. ചൊവ്വാഴ്ച വൈകുന്നേരം ഇക്കാര്യം ചര്ച്ച ചെയ്യാന് രാഹുല് ഗാന്ധി ഡല്ഹി നേതാക്കളെ കാണും.
ഡല്ഹിയില് രണ്ട് സീറ്റുകളാണ് കോണ്ഗ്രസിനു എഎപി വാഗ്ദാനം ചെയ്തിരിക്കുന്നത്. എന്നാല് കോണ്ഗ്രസ് മൂന്നില് കൂടുതല് സീറ്റുകളാണ് ആവശ്യപ്പെടുന്നത്. സഖ്യ ചര്ച്ചകള് ലക്ഷ്യത്തിലെത്താതെ പോയതോടെ എഎപി ഡല്ഹിയിലെ ഏഴ് ലോക്സഭാ മണ്ഡലങ്ങളില് ആറ് മണ്ഡലങ്ങളിലും സ്ഥാനാര്ഥികളെ പ്രഖ്യാപിച്ചിരുന്നു.