ആന്തൂരിലെ പ്രവാസി വ്യവസാസിയുടെ ആത്മഹത്യയില് യഥാര്ഥ കുറ്റവാളി നഗരസഭ അധ്യക്ഷ പി.കെ. ശ്യാമളയാണെന്ന് പ്രതിപക്ഷ നേതാവ് രമേശ് ചെന്നിത്തല. ശ്യാമളയ്ക്കെതിരേ പ്രേരണാ കുറ്റത്തിന് കേസെടുക്കണമെന്നും ഇവരെ തല്സ്ഥാനത്തുനിന്ന് നീക്കണമെന്നും ചെന്നിത്തല ആവശ്യപ്പെട്ടു.
ശ്യാമളയെ രക്ഷിക്കാനാണ് സിപിഎം ഇപ്പോള് ശ്രമിക്കുന്നതെന്നും ചെന്നിത്തല പറഞ്ഞു. ആന്തൂരില് ആത്മഹത്യ ചെയ്ത സാജന്റെ വീട് ചെന്നിത്തലയുടെ നേതൃത്വത്തില് മുസ്ലിം ലീഗ് നേതാവ് എം.കെ. മുനീര് എംഎല്എ അടക്കമുള്ളവര് സന്ദര്ശിക്കുകയും ചെയ്തു.
