ന്യൂയോര്ക്ക്: കാശ്മീര് ഇന്ത്യയുടെ ആഭ്യന്തര വിഷയമാണെന്നും ചൈനയോട് വിഷയത്തില് ഇടപെടാന് നില്ക്കേണ്ടെന്നും ഇന്ത്യ പറഞ്ഞു. പാക്കിസ്ഥാന് പ്രധാനമന്ത്രി ഇമ്രാന് ഖാനു പിന്നാലെ ചൈന വിദേശകാര്യ മന്ത്രിയും കശ്മീര് പ്രശ്നം ഐക്യരാഷ്ട്ര പൊതുസഭയില് ഉന്നയിച്ചപ്പോഴാണ് ഇന്ത്യ പ്രതികരിച്ചത്.
കശ്മീര് ഇന്ത്യയുടെ ആഭ്യന്തരകാര്യമാണെന്നും രാജ്യത്തിന്റെ പരമാധികാരവും അഖണ്ഡതയും മാനിക്കണമെന്നും ഇന്ത്യ പറഞ്ഞു. വിഷയം സമാധാനപരമായും യുഎന് രക്ഷാസമിതിയുടെ മുന്പ്രമേയങ്ങള്ക്ക് അനുസൃതമായും പരിഹരിക്കണമെന്ന് ചൈനീസ് വിദേശകാര്യമന്ത്രി വാങ് യിക്ക് ആവശ്യപ്പെട്ടിരുന്നു.
അയല്രാജ്യമെന്ന നിലയില്, ഇന്ത്യ- പാക്ക് ബന്ധം സാധാരണ നിലയിലാകാനാണ് ആഗ്രഹിക്കുന്നതെന്നും തല്സ്ഥിതി മാറ്റിമറിക്കുന്ന നടപടികള് പാടില്ലെന്നും വാങ് യിക്ക് പറഞ്ഞു.