കൊച്ചി: മുന് പൊതുമരാമത്ത് വകുപ്പ് മന്ത്രി വി.കെ. ഇബ്രാഹിംകുഞ്ഞിനെതിരേ എന്ഫോഴ്സ്മെന്റ് ഡയറക്ടറേറ്റ് കേസെടുത്തു. പത്തുകോടി രൂപയുടെ കള്ളപ്പണം വെളുപ്പിച്ചെന്ന പരാതിയിലാണ് കേസ് രജിസ്റ്റര് ചെയ്തത്. മുസ്ലീം ലീഗിന്റെ മുഖപത്രമായ ‘ചന്ദ്രിക’യുടെ ബാങ്ക് അക്കൗണ്ടുകള് വഴി കള്ളപ്പണം വെളുപ്പിച്ചെന്നായിരുന്നു ആരോപണം. ഇതുമായി ബന്ധപ്പെട്ട് ‘ചന്ദ്രിക’യുടെ കോഴിക്കോട്ടെ ഓഫീസില് ദിവസങ്ങള്ക്ക് മുമ്ബ് വിജിലന്സ് റെയ്ഡും നടത്തിയിരുന്നു. പാലാരിവട്ടം പാലം അഴിമതി കേസില് ഇബ്രാഹിംകുഞ്ഞിനെ വിജിലന്സ് നേരത്തെ പ്രതി ചേര്ത്തിരുന്നു.