ജിദ്ദ: സൗദി അറേബ്യയില്‍ കഴിഞ്ഞ 24 മണിക്കൂറിനുള്ളില്‍ പുതിയ കോവിഡ് കേസുകള്‍ 1000 കടന്നു. ബുധനാഴ്ച 1,028 പുതിയ രോഗികളും 824 രോഗമുക്തരും റിപ്പോര്‍ട്ട് ചെയ്തു.

ഇതോടെ രാജ്യത്ത് ആകെ റിപ്പോര്‍ട്ട് ചെയ്ത കേസുകളുടെ എണ്ണം 4,08,038 ഉം ആകെ രോഗമുക്തരുടെ എണ്ണം 3,91,362 ഉം ആയി. ചികിത്സയിലുണ്ടായിരുന്നവരില്‍ 12 പേര്‍ കൂടി മരിച്ചു. ഇതോടെ രാജ്യത്ത് ആകെ മരണസംഖ്യ 6,858 എത്തി. വിവിധ ആശുപത്രികളിലും മറ്റുമായി 9,818 പേര്‍ ചികിത്സയിലുണ്ട്.

ഇവരില്‍ 1,145 പേരുടെ നില ഗുരുതരമാണ്. ചികിത്സയില്‍ കഴിയുന്ന ബാക്കിയുള്ളവരുടെ ആരോഗ്യനില തൃപ്തികരമാണ്. രാജ്യത്തെ കോവിഡ് മുക്തി നിരക്ക് 96 ശതമാനവും മരണനിരക്ക് 1.68 ശതമാനവുമാണ്. ഏറ്റവും കൂടുതല്‍ രോഗികളുള്ളത് റിയാദ് പ്രവിശ്യയിലാണ്. വിവിധ പ്രവിശ്യകളില്‍ പുതുതായി റിപ്പോര്‍ട്ട് ചെയ്ത രോഗികളുടെ എണ്ണം: റിയാദ് 431, മക്ക 220, കിഴക്കന്‍ പ്രവിശ്യ 157, മദീന 45, അസീര്‍ 45, ജീസാന്‍ 30, തബൂക്ക് 25, അല്‍ ഖസീം 22, വടക്കന്‍ അതിര്‍ത്തി മേഖല 14, നജ്റാന്‍ 13, ഹാഇല്‍ 11, അല്‍ ജൗഫ് 10, അല്‍ബാഹ 5