കൊച്ചി: ഒരു ഇടവേളക്ക് ശേഷം സംസ്ഥാനത്ത് വീണ്ടും സ്വര്ണവില കുതിക്കുന്നു. പവന് 200 രൂപയാണ് ഇന്ന് വര്ധിച്ചത്. ഇതോടെ ഒരു പവന് സ്വര്ണത്തിന്റെ വില 36,080 രൂപയായി ഉയര്ന്നു. 35,880 രൂപയായിരുന്നു കഴിഞ്ഞ ദിവസത്തെ സ്വര്ണവില.
ഒരു ഗ്രാം സ്വര്ണത്തിന്റെ വില 4510 രൂപയായും വര്ധിച്ചു. യു.എസില് ബോണ്ടുകളില് നിന്നുള്ള ആദായം കുറഞ്ഞതും ഡോളര് ദുര്ബലമാകുന്നതും കോവിഡുമാണ് നിലവില് സ്വര്ണവിലയെ സ്വാധീനിക്കുന്ന ഘടകങ്ങള്. റഷ്യയും യു.എസും തമ്മില് നിലവില് ഉടലെടുത്ത പ്രശ്നങ്ങളും വിലയെ കാര്യമായി സ്വാധീനിക്കുന്നുണ്ട്.
അതേസമയം, അന്താരാഷ്ട്ര വിപണിയില് സ്പോട്ട് ഗോള്ഡിന്റെ വില മാറ്റമില്ലാതെ തുടരുകയാണ്.