റിയാദ്: മലയാളി സൗദിയിലെ ജിസാനില് മരിച്ചു. കോഴിക്കോട് മുക്കം ഓമശ്ശേരി-കാതിയോട് അരിമാനത്തൊടിക എ.ടി. അബ്ദുറഹ്മാൻ ഹാജിയുടെയും പാത്തുമ്മ ഹജ്ജുമ്മയുടെയും മകൻ ശംസുദ്ധീൻ (43) ആണ് മരിച്ചത്.
ഹൃദയാഘാതത്തെ തുടർന്ന് ആയിരുന്നു മരണം.
റിയാദില് നിന്ന് ബിസിനസ് ആവശ്യാർത്ഥം തെക്കുപടിഞ്ഞാറൻ പ്രവിശ്യയിലെ ജിസാനില് പോയപ്പോയിരുന്നു ശനിയാഴ്ച അന്ത്യം. മുമ്ബ് ഖത്തറില് ബിസിനസ് ചെയ്തിരുന്ന ശംസുദ്ദീൻ ഒരു വർഷം മുമ്ബാണ് സൗദിയില് എത്തിയത്. ഭാര്യ: ആയിശ കളരാന്തിരി.മക്കള്:മസിൻ അഹമ്മദ്, ഹസ്സ ഫാത്തിമ, ജസ ഫാത്തിമ, അസ്വാൻ. സഹോദരങ്ങള്: എ.ടി. ബഷീർ, യൂസുഫ്, സൈനുദ്ധീൻ, സുലൈമാൻ, സലീം, ഉമ്മുസല്മ. മൃതദേഹം ശനിയാഴ്ച രാത്രി തന്നെ ജിസാനില് ഖബറടക്കി.