ഔറംഗബാദ്: മഹാരാഷ്ട്രയിലെ ഔറംഗബാദില് വന് പൊട്ടിത്തെറി. പടക്കവ്യാപാരത്തില് ഏര്പ്പെട്ടിരുന്ന കടകളാണ് കത്തിയമര്ന്നത്. 100ല് അധികം പടക്ക വ്യാപാരശാലകള് കത്തിയമര്ന്നതായി എഎന്ഐ റിപ്പോര്ട്ട് ചെയ്തു. ദീപാവലി ആഘോഷങ്ങള്ക്കായി വെടിക്കെട്ട് സാമഗ്രികള് വന് തോതില് സൂക്ഷിച്ചിരുന്നത് പൊട്ടിത്തെറിയുടെ ആക്കംകൂട്ടി. ആരോഗ്യത്തിന് ദൂഷ്യകരമായ വാതകങ്ങള് പുകയില് അടങ്ങിയിരിക്കുന്നതിനാല് പ്രദേശത്തുനിന്ന് ഒഴിഞ്ഞുനില്ക്കാന് സമീപവാസികള്ക്കു നിര്ദേശം നല്കിയിട്ടുണ്ട്. തീയണയ്ക്കാണനുള്ള ശ്രമങ്ങള് തുടരുകയാണ്