തിരുവനന്തപുരം: ബിനോയ് കോടിയേരിക്കെതിരെ ദുബായില് സ്ഥിതിചെയ്യുന്ന ഒരു സ്ഥാപനം ഉന്നയിച്ചുവെന്ന് പറയപ്പെടുന്ന ആരോപണത്തെ അടിസ്ഥാനപ്പെടുത്തി സിപിഎം സംസ്ഥാന സെക്രട്ടറിയായി പ്രവര്ത്തിക്കുന്ന തനിക്കെതിരെയും തന്റെ പാര്ട്ടിക്കെതിരെയും ഒരു വിഭാഗം മാധ്യമങ്ങള് ഉയര്ത്തുന്ന ആക്ഷേപങ്ങള് തീര്ത്തും അടിസ്ഥാനരഹിതമാണെന്ന് കോടിയേരി ബാലകൃഷ്ണന്.
ബിനോയിക്കെതിരെ സാമ്പത്തിക ഇടപാടിന്റെ പേരില് ഒരു കേസും ഇന്ത്യയില് ഒരിടത്തും നിലവില് ഇല്ല. തന്റെ പേരില് ദുബായിലും ഏതെങ്കിലും തരത്തിലുള്ള കേസുകളോ, യാത്രാവിലക്കോ നിലവില് ഇല്ലെന്ന് ബിനോയ് തന്നെ വ്യക്തമാക്കിയതാണെന്നും മറിച്ചാണെന്ന് തെളിയിക്കുന്ന ഒരു രേഖയും ഒരു മാധ്യമവും ഉദ്ധരിച്ചിട്ടില്ലെന്നും കോടിയേരി ഫേസ്ബുക്കില് കുറിച്ചു.