ന്യൂഡല്ഹി: റദ്ദാക്കിയ സി.ബി.എസ്.ഇ പത്താം ക്ലാസ് കണക്ക്, പ്ലസ്ടു ഇക്ണോമിക്സ് പരീക്ഷകളുടെ പുതുക്കിയ തീയതി ഞായറാഴ്ചക്കുള്ളില് പ്രഖ്യാപിക്കുമെന്ന് റിപ്പോര്ട്ട്. ഇക്കാര്യം സി.ബി.എസ്.ഇ വൃത്തങ്ങളെ ഉദ്ധരിച്ച് ദേശീയ മാധ്യമങ്ങളാണ് റിപ്പോര്ട്ട് ചെയ്തത്.
ചോദ്യപേപ്പര് ചോര്ന്നതിനെ തുടര്ന്ന് പത്താം ക്ലാസ് കണക്ക് പരീക്ഷയും ചൊവ്വാഴ്ച നടന്ന പ്ലസ്ടു ഇക്ണോമിക്സ് പരീക്ഷയും ബുധനാഴ്ചയാണ് സി.ബി.എസ്.ഇ റദ്ദാക്കിയത്. ഒരാഴ്ചക്കുള്ളില് പുതുക്കിയ തീയതി പ്രഖ്യാപിക്കുമെന്നാണ് ദേശീയ മാധ്യമങ്ങള് റിപ്പോര്ട്ട് ചെയ്തത്.
ചോദ്യപേപ്പര് ചോര്ന്നുവെന്ന് വിവരം പരീക്ഷക്ക് മുമ്ബ് സി.ബി.എസ്.ഇ നിഷേധിച്ചിരുന്നു. ചോദ്യപേപ്പര് ചോര്ച്ചയെ സംബന്ധിച്ച് പ്രചരിക്കുന്ന വാട്സ് ആപ് സന്ദേശങ്ങള് തെറ്റായിരുന്നു എന്നായിരുന്നു സി.ബി.എസ്.ഇയുടെ നിലപാട്. എന്നാല്, പിന്നീട് നടത്തിയ അന്വേഷത്തിന് ഒടുവിലാണ് പരീക്ഷ റദ്ദാക്കാന് സി.ബി.എസ്.ഇ തീരുമാനിച്ചത്.