ന്യൂഡല്ഹി: കര്ണാടക നിയമസഭാ തെരഞ്ഞെടുപ്പില് കോണ്ഗ്രസിനെ പിന്തുണയ്ക്കാന് സിപിഎം കേന്ദ്ര കമ്മിറ്റി യോഗം തീരുമാനിച്ചു. പാര്ട്ടി മത്സരിക്കാത്ത മണ്ഡലങ്ങളില് കോണ്ഗ്രസിന് പിന്തുണ നല്കാനാണ് കേന്ദ്ര കമ്മിറ്റിയില് ധാരണയായത്. എത്ര സീറ്റില് സിപിഎം മത്സരിക്കുമെന്ന് വ്യക്തമാക്കിയിട്ടില്ല.
നേരത്തെ കോണ്ഗ്രസുമായുള്ള ബന്ധത്തെ ചൊല്ലി സിപിഎം കേന്ദ്ര നേതൃത്വത്തിനിടയില് രൂക്ഷമായ അഭിപ്രായ ഭിന്നത നിലനിന്നിരുന്നു. ബിജെപിയെ അധികാരത്തില് നിന്നും മാറ്റാന് കോണ്ഗ്രസുമായി സഖ്യമാകാം എന്ന ജനറല് സെക്രട്ടറി സീതാറാം യെച്ചൂരിയുടെ നിലപാട് പ്രകാശ് കാരാട്ട് പക്ഷം ശക്തമായി എതിര്ത്തിരുന്നു. കേരള ഘടകവും കോണ്ഗ്രസ് ബന്ധത്തെ ശക്തമായി എതിര്ത്ത് കാരാട്ടിനൊപ്പം നിന്നു.
വിഷയത്തിന്റെ പേരില് പാര്ട്ടിയില് രണ്ടു ചേരിയുണ്ടായതിനിടെയാണ് കര്ണാടകത്തില് കോണ്ഗ്രസിനെ പിന്തുണയ്ക്കാന് സിപിഎം കേന്ദ്ര കമ്മിറ്റി തീരുമാനിച്ചത് എന്നത് ശ്രദ്ധേയമാണ്.