കൊച്ചി: കതിരൂര് മനോജ് വധക്കേസില് യു എ പി എ ചുമത്തിയതിനെതിരെ സി പി എം കണ്ണൂര് ജില്ലാ സെക്രട്ടറി പി ജയരാജന് ഹൈക്കോടതിയില് അപ്പീല് നല്കി.
സംസ്ഥാന സര്ക്കാരിന്റെ അനുമതി കൂടാതെയാണ് യു എ പി എ ചുമത്തിയതെന്ന് ആരോപിച്ച് പി ജയരാജന് അടക്കമുള്ള പ്രതികള് നല്കിയ അപ്പീല് ഹൈക്കോടതി സിംഗിള് ബെഞ്ച് നേരത്തെ തള്ളിയിരുന്നു.
ഈ സാഹചര്യത്തിലാണ് ഡിവിഷന് ബെഞ്ചിനെ ജയരാജന് സമീപിച്ചത്. ചീഫ് ജസ്റ്റിസ് ഉള്പ്പെടെയുള്ള ഡിവിഷന് ബെഞ്ചാകും അപ്പീല് പരിഗണിക്കുക.