കോഴിക്കോട്: നിപ വൈറസ് ബാധയെത്തുടര്ന്ന് ചികിത്സയിലായിരുന്ന ഒരാള് കൂടി മരിച്ചു. മെഡിക്കല് കോളജില് പേവാര്ഡില് ചികിത്സയിലായിരുന്ന കല്യാണി(62) ആണ് മരിച്ചത്. ഇവര്ക്ക് രോഗം സ്ഥിരീകരിച്ചിരുന്നതായി ആശുപത്രി സൂപ്രണ്ട് ഡോ.കെ.ജി സജീത്ത്കുമാര് പറഞ്ഞു. ഇതോടെ നിപ ബാധിച്ച് മരിച്ചവരുടെ എണ്ണം 13 ആയി.
പേരാമ്ബ്ര ചെറവണ്ണൂര് സ്വദേശിയാണ് കല്യാണി. നേരത്തെ നിപ ബാധിച്ച് മരിച്ച ജാനകിയുടെ ബന്ധുവാണ്. നിപ സ്ഥിരീകരിച്ച മൂന്ന് പേരാണ് ഇപ്പോള് ചികില്സയിലുള്ളത്.