കല്പ്പറ്റ: വയനാട് വെണ്ണിയോട് പുഴയില് കാണാതായ നാലംഗ കുടുംബത്തിലെ ഒരാളുടെ മൃതദേഹം കൂടി കണ്ടെത്തി. നാരായണന്കുട്ടിയുടെ ഭാര്യ ശ്രീജയുടെ മൃതദേഹമാണ് കണ്ടെത്തിയത്. ഞായറാഴാഴ്ച നാരായണന്കുട്ടിയുടെ മൃതദേഹം കണ്ടെത്തിയിരുന്നു.
ചുണ്ടേല് ആനപ്പാറ സ്വദേശിയായ നാരായണന്കുട്ടി(45), ഭാര്യ ശ്രീജ(37), മക്കളായ സൂര്യ(11), സായൂജ്(9) എന്നിവരെ ഞായറാഴ്ച രാവിലെയാണ് വെണ്ണിയോട് പുഴയില് കാണാതായത്. കുട്ടികള്ക്കായുള്ള തെരച്ചില് ഇപ്പോഴും തുടരുകയാണ്. ശക്തമായ മഴയെ തുടര്ന്ന് ഇന്ന് രാവിലെ വൈകിയാണ് തെരച്ചില് ആരംഭിച്ചത്. നാട്ടുകാരും അഗ്നിശമനസേനയും പോലീസും ചേര്ന്നാണ് തെരച്ചില്.
പുഴയോരത്ത് നിന്നും ആത്മഹത്യാ കുറിപ്പും ബാഗും പോലീസ് ഞായറാഴ്ച കണ്ടെത്തിയിരുന്നു. ഇതേതുടര്ന്നാണ് പുഴയില് തെരച്ചില് നടത്തിയത്.
