തിരുവനന്തപുരം: പുറംകടലില് കപ്പലിടിച്ച് മത്സ്യത്തൊഴിലാളികള് മരിച്ച സംഭവത്തില് അടിയന്തര നടപടി സ്വീകരിക്കാന് ജില്ലാ കലക്ടര്ക്ക് മുഖ്യമന്ത്രി നിര്ദേശം നല്കി. കൊച്ചി ചേറ്റുവ പുറംകടലില് കപ്പല് ബോട്ടിലിടിച്ച് മത്സ്യത്തൊഴിലാളികള് മരിക്കാനിടയായ സംഭവത്തിലാണ് അടിയന്തര നടപടി സ്വീകരിക്കാന് എറണാകുളം ജില്ലാ കലക്ടര്ക്ക് മുഖ്യമന്ത്രി പിണറായി വിജയന് നിര്ദ്ദേശം നല്കിയത്.
അപകടത്തില്പ്പെട്ടവരെ രക്ഷപ്പെടുത്താനും കപ്പല് കണ്ടെത്താനുമുള്ള ശ്രമങ്ങള് തുടരുകയാണ്. ഇതിനായി നേവി, കോസ്റ്റ് ഗാര്ഡ് എന്നിവയുടെ സഹായം തേടിയിട്ടുണ്ട്.