മലപ്പുറം: ഇടുക്കി, മലപ്പുറം ജില്ലകളില് പ്രഖ്യാപിച്ച റെഡ് അലര്ട്ട് പിന്വലിച്ചു. ന്യൂനമര്ദ്ദം വടക്ക് പടിഞ്ഞാറ് ഭാഗത്തേക്ക് നീങ്ങുന്ന സാഹചര്യത്തിലാണ് ഈ ജില്ലകളിലെ റെഡ് അലര്ട്ട് പിന്വലിച്ചത്. പകരം ഓറഞ്ച് അലര്ട്ട് നല്കിയിട്ടുണ്ട്.
ശനിയാഴ്ച മുതല് ചൊവ്വാഴ്ചവരെ കേരളത്തില് അതിശക്തമായ മഴ പെയ്യുമെന്നായിരുന്നു കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്.
അതേസമയം, ഇടുക്കി അണക്കെട്ട് തുറന്നു. ചെറുതോണി അണക്കെട്ടിന്റെ ഒരു ഷട്ടറാണ് തുറന്നത്. സെക്കന്റില് 50 ഘന മീറ്റര് വെള്ളം ഒഴുക്കി വിടുന്നു. അതിതീവ്ര മഴ മുന്നറിയിപ്പിനെ തുടർന്നാണ് ജലനിരപ്പ് നിയന്ത്രിക്കുന്നതിനായി ഇടുക്കി ചെറുതോണി അണക്കെട്ട് തുറന്നത്.