തിരുവനന്തപുരം: ശബരിമലയില് നടന്നത് വലിയ വര്ഗീയ കലാപത്തിനുള്ള ശ്രമമാണെന്ന് മന്ത്രി കടകംപള്ളി സുരേന്ദ്രന് ആരോപിച്ചു. കലാപനീക്കത്തിനുള്ള സൂചന അറിഞ്ഞത് കൊണ്ടാണ് താന് ഇടപെട്ടത്. ശബരിമലയില് കരുതിക്കൂട്ടി പ്രശ്നമുണ്ടാക്കാനുള്ള ഗൂഢാലോചന നടന്നതായി സംശയിക്കണമെന്നും അദ്ദേഹം കൂട്ടിച്ചേര്ത്തു.
ആക്ടിവിസ്റ്റുകളായ യുവതികള് പമ്ബയില് നിന്നും നടപന്തലില് എത്തുന്നത് വരെ രണ്ടേകാല് മണിക്കൂറോളം കാര്യമായ പ്രതിഷേധങ്ങള് ഇല്ലായിരുന്നുവെന്നത് ചില അന്തര്ധാരകളുടെ സാധ്യതയിലേക്കാണ് വിരല് ചൂണ്ടുന്നത്. അവര് പതിനെട്ടാംപടി ചവിട്ടുന്നതോടെ സംഘര്ഷം സംസ്ഥാനമാകെ വ്യാപിപ്പിക്കാനുള്ള നീക്കവുമുണ്ടായിരുന്നു.സന്നിധാനത്ത് രക്തചൊരിച്ചിലുണ്ടാക്കി മുതലെടുക്കാന് നോക്കുന്നവര്ക്ക് ഒപ്പം നില്ക്കേണ്ട ബാധ്യത സര്ക്കാരിനില്ലെന്നും അദ്ദേഹം കൂട്ടിച്ചേര്ത്തു.