കൊച്ചി: അയ്യപ്പ ദര്ശനത്തിന് ശബരിമലയില് എത്തിയ ഭൂമാതാ ബ്രിഗേഡ് നേതാവ് തൃപ്തി ദേശായിയും സംഘവും കേരളത്തിലെത്തി. വെള്ളിയാഴ്ച പുലര്ച്ചെ 4.45 ഓടെ നെടുമ്ബാശ്ശേരി വിമാനത്താളത്തിലെത്തിയ തൃപ്തിക്കും സംഘത്തിനും പ്രതിഷേധത്തെത്തുടര്ന്ന് നാലു മണിക്കൂറിന് ശേഷവും പുറത്തിറങ്ങാന് കഴിഞ്ഞിട്ടില്ല.
ശബരിമല ദര്ശനത്തിനായി കൊച്ചി വിമാനത്താവളത്തിലെത്തിയ തൃപ്തി ദേശായിയ്ക്ക് നിലയ്ക്കലില് എത്തിയാല് ദര്ശനത്തിന് സുരക്ഷ ഒരുക്കാമെന്ന് പോലീസ് അറിയിച്ചു. പോലീസ് നിലപാടില് മാറ്റം വേണ്ടെന്ന് സര്ക്കാരും അറിയിച്ചു.
എന്നാല് വിമാനത്താവളത്തിന് പുറത്ത് നാമജപ പ്രതിഷേധവുമായി ബിജെപി പ്രവര്ത്തകരുടെ നേതൃത്വത്തില് വന് സംഘം നിലയുറപ്പിച്ചിട്ടുണ്ട്. തൃപ്തിക്കും സംഘത്തിനും വിമാനത്താവളത്തില് നിന്നും കോട്ടയത്തേക്ക് പോകാന് വാഹനസൗകര്യം ലഭ്യമായിട്ടില്ല. വിമാനത്താവളത്തിലെ ടാക്സികളൊന്നും ഓട്ടം പോകാന് തയ്യാറായില്ല. പ്രതിഷേധത്തെ ഭയന്നാണ് ടാക്സി ഡ്രൈവര്മാര് യാത്രയ്ക്ക് തയ്യാറാകാത്തത്.
എന്ത് വന്നാലും ശബരിലയില് കയറിയിട്ടെ മടങ്ങുകയുള്ളുവെന്ന നിലപാടിലാണ് തൃപ്തി ദേശായി. പോലീസുമായി സഹകരിക്കാന് തയ്യാറാണെന്നും പോലീസ് നിര്ദേശിക്കുന്ന സ്ഥലത്ത് താമസിക്കാന് തയ്യാറാണെന്നും തൃപ്തി ദേശായി അറിയിച്ചിട്ടുണ്ട്.