പത്തനംതിട്ട : ഭക്തരുടെ വികാരം വ്രണപ്പെടുത്തിയെന്ന കേസില് അറസ്റ്റിലായ രഹനയെ പത്തനംതിട്ട സി.ജെ.എം കോടതിയിലാണ് ഹാജരാക്കുന്നത് രഹനയെ കസ്റ്റഡിയില് വിടണമെന്ന പൊലീസിന്റെ അപേക്ഷയില് കോടതി വിധി പറയുന്നത് മാറ്റി . നാളെ കേസില് പത്തനംതിട്ട ചീഫ് ജുഡീഷ്യല് മജിസ്ട്രേറ്റ് കോടതി വിധി പറയും .കഴിഞ്ഞ ദിവസം, കൊച്ചിയില് നിന്നാണ് പത്തനംതിട്ട സിഐയുടെ നേതൃത്വത്തിലുള്ള പൊലീസ് സംഘം രഹനയെ അറസ്റ്റ് ചെയ്തത്.
രഹന ഫാത്തിമ തന്റെ ഫെയിസ്ബുക്കിലിട്ട പോസ്റ്റ് മതസ്പര്ദയുണ്ടാക്കുന്നുവെന്ന പരാതിയുടെ അടിസ്ഥാനത്തിലാണ് അറസ്റ്റ് ചെയ്തത്. കോട്ടയം തൃക്കൊടിത്താനം സ്വദേശി ആര് രാഘാകൃഷ്ണ മേനോന്റെ പരാതിയിലാണ് അറസ്റ്റ്. അറസ്റ്റിന് പിന്നാലെ ബിഎസ്എന്എല് രഹ്നയെ സസ്പെന്ഡ് ചെയ്തിരുന്നു.