ന്യൂഡല്ഹി: രാഹുല് ഗാന്ധി കോണ്ഗ്രസ് അധ്യക്ഷസ്ഥാനം ഏറ്റെടുക്കണമെന്നാവശ്യപ്പെട്ട് പാര്ട്ടി പ്രവര്ത്തകര് നിരാഹാരം തുടങ്ങി. ഡെല്ഹിയിലെ എഐസിസി ആസ്ഥാനത്തിന് മുമ്ബിലാണ് പ്രവര്ത്തകര് നിരാഹാരസമരം ആരംഭിച്ചത്.
ലോക്സഭാ തെരഞ്ഞെടുപ്പിലെ പരാജയത്തിന് ശേഷം കോണ്ഗ്രസില് നേതാക്കളുടെ കൂട്ടരാജി തുടരുകയാണ്. രാഹുല് ഗാന്ധിയ്ക്ക് പുതിയ നേതൃത്വം ഉണ്ടാക്കാനാണ് തങ്ങള് രാജിവയ്ക്കുന്നതെന്നാണ് പല നേതാക്കളും പറയുന്നത്. എന്നാല്, അധ്യക്ഷസ്ഥാനം ഏറ്റെടുക്കാന് രാഹുലിനെ സമ്മര്ദ്ദത്തിലാക്കാനാണ് കൂട്ടരാജിയെന്നും അഭിപ്രായമുണ്ട്. ഇതിനിടെയാണ് ഒരുവിഭാഗം പ്രവര്ത്തകര് നിരാഹാരസമരവുമായി രംഗത്തെത്തിയത്.