കോന്നി: രണ്ട് ആഴ്ചക്കുള്ളില് രേഖകള് ഇല്ലാതെ പാറ കടത്തിയ ഇരുപത്തഞ്ചിലേറെ ടിപ്പര് ലോറികള് കോന്നി പൊലീസ് പിടിച്ചെടുത്തു. കോന്നി പയ്യനാമണ് ഭാഗത്തെ മടകളില്നിന്നുമാണ് പാറകള് അനധികൃതമായി കടത്തി കൊണ്ടുവരുന്നത്.
കോന്നി, റാന്നി, അടൂര് ഭാഗങ്ങളില് ഉള്ള ടിപ്പറുകളാണ് അധികവും. പൊലീസ് പിടിച്ചെടുത്ത വാഹനങ്ങള് നടപടികളുടെ ഭാഗമായി ലീഗല് മെട്രോളജി വകുപ്പിന് കൈമാറുമെന്നും രേഖകള് ഇല്ലാതെ പാറ കടത്താന് ശ്രമിച്ച സംഭവത്തില് ഒരു ടിപ്പര് ലോറിക്ക് മുപ്പത്തയ്യായിരത്തോളം രൂപ പിഴ ഈടാക്കുമെന്നും പൊലീസ് അറിയിച്ചു.
