കണ്ണൂര്: തലശേരിയില് എന്ഡിഎഫ് പ്രവര്ത്തകന് ഫസലിനെ കൊലപ്പെടുത്തിയ കേസില് നിര്ണായക വഴിത്തിരിവ്. ഫസല് വധത്തിന് പിന്നില് താനുള്പ്പെടുന്ന ആര്എസ്എസ് പ്രവര്ത്തകരാണെന്ന് പിടുയിലായ മോഹനന് വധക്കേസിലെ പ്രതി സുബീഷ് പോലീസിന് മൊഴിനല്കി. മൊഴിയുടെ ശബ്ദരേഖയും വീഡിയോയുമടങ്ങുന്ന തെളിവുകള് കണ്ണൂര് ജില്ലാ പോലീസ് മേധാവി, ഡിജിപിക്കും മുഖ്യമന്ത്രിക്കും സമര്പ്പിച്ചു. സിപിഐഎം കണ്ണൂര് ജില്ലാ സെക്രട്ടേറിയേറ്റ് അംഗം കാരായി രാജനും തലശ്ശേരി ഏരിയാകമ്മിറ്റിയംഗം ചന്ദ്രശേഖരനുമുള്പ്പെടെ പ്രതികളാണെന്ന് സിബിഐ കണ്ടെത്തിയ കേസിലാണ് സുപ്രധാന കണ്ടെത്തലുമായി കേരളാപൊലീസ് രംഗത്തെത്തിയിരിക്കുന്നത്.