ന്യൂഡല്ഹി: രാഷ്ട്രപതി സ്ഥാനം രാഷ്ട്രീയത്തിന് അതീതമാണെന്ന് എന്.ഡി.എയുടെ രാഷ്ട്രപതി സ്ഥാനാര്ത്ഥി രാം നാഥ് കോവിന്ദ്. ബിഹാര് ഗവര്ണറായതിന് ശേഷം തനിക്ക് രാഷ്ട്രീയമില്ലെന്നും അദ്ദേഹം വ്യക്തമാക്കി. രാഷ്ട്രപതി സ്ഥാനാര്ത്ഥിയായി നാമനിര്ദേശ പത്രിക സമര്പ്പിച്ചതിന് ശേഷമാണ് കോവിന്ദ് ഇക്കാര്യം വ്യക്തമാക്കിയത്.
പത്രിക സമര്പ്പിക്കുമ്ബോള് പ്രധാനമന്ത്രി നരേന്ദ്രമോദിയും മുതിര്ന്ന കേന്ദ്രമന്ത്രിമാരും ബി.ജെ.പി അദ്ധ്യക്ഷ അമിത് ഷായും ഘടകക്ഷി നേതാക്കളും കോവിന്ദിനോടൊപ്പം ഉണ്ടായിരുന്നു. രാഷ്ട്രപതി തിരഞ്ഞെടുപ്പിന്റെ റിട്ടേണിംഗ് ഓഫീസറായ ലോക്സഭാ സെക്രട്ടറി ജനറല് അനൂപ് മിശ്ര മുന്പാകെയാണ് പത്രിക നല്കിയത്.