തിരുവനന്തപുരം: മുന് അഡ്വക്കേറ്റ് ജനറല് കെ.പി.ദണ്ഡപാണിയുമായി മുന് മുഖ്യമന്ത്രി ഉമ്മന് ചാണ്ടി കൂടിക്കാഴ്ച നടത്തി. സോളാര് കേസില് ജൂഡീഷല് കമ്മീഷന് റിപ്പോര്ട്ടിന്റെ അടിസ്ഥാനത്തില് സര്ക്കാര് കേസെടുത്ത് അന്വേഷണം നടത്താന് തീരുമാനിച്ചതിന് പിന്നാലെയാണ് കൂടിക്കാഴ്ച. കേസില് സ്വീകരിക്കേണ്ട നിയമ നടപടികളെക്കുറിച്ച് മുന് എജിയുടെ അഭിപ്രായം തേടുകയാണ് ഉമ്മന് ചാണ്ടി ചെയ്തത്.
സോളാര് ജൂഡീഷല് കമ്മീഷന് റിപ്പോര്ട്ടിന്റെ പകര്പ്പ് ആവശ്യപ്പെട്ട് ഉമ്മന് ചാണ്ടി കഴിഞ്ഞ ദിവസം ചീഫ് സെക്രട്ടറിക്ക് അപേക്ഷ നല്കിയിരുന്നു. വിവരാവകാശ നിയമം ഉപയോഗിച്ചാണ് ഉമ്മന് ചാണ്ടി അപേക്ഷ നല്കിയിരിക്കുന്നത്. പകര്പ്പ് ലഭിച്ചില്ലെങ്കില് മുഖ്യമന്ത്രിയെ നേരിട്ട് കണ്ട് റിപ്പോര്ട്ട് ആവശ്യപ്പെടാനും ഉമ്മന് ചാണ്ടി ആലോചിക്കുന്നുണ്ട്.