ആഢംബര കാര് വ്യാജ വിലാസത്തില് രജിസ്റ്റര് ചെയ്തെന്ന കേസില് തെന്നിന്ത്യന് നടി അമലാ പോളിന് മോട്ടോര് വാഹന വകുപ്പ് നോട്ടീസ് നല്കി. ഏഴ് ദിവസത്തിനകം രേഖകളുമായി കൊച്ചിയിലെ ഓഫീസില് ഹാജരാവാനാണ് നോട്ടീസില് വ്യക്തമാക്കിയിരിക്കുന്നത്.
ആഗസ്റ്റ് നാലിന് ചെന്നൈയിലെ ട്രാന്സ് കാര് ഡീലറില് നിന്നാണ് അമല പോള് 1.12 കോടി വില വരുന്ന ബെന്സ് എസ് കഌസ് കാര് വാങ്ങിയത്. തുടര്ന്ന് പോണ്ടിച്ചേരിയില് കാര് രജിസ്റ്റര് ചെയ്താണ് ഇപ്പോള് വിവാദമായിരിക്കുന്നത്.
പോണ്ടിച്ചേരിയില് വാഹനം രജിസ്റ്റര് ചെയ്യണമെങ്കില് സ്ഥിരം താമസക്കാരനായിരിക്കണമെന്ന് വ്യവസ്ഥയുള്ളതിനാല് പോണ്ടിച്ചേരി സ്വദേശിയായ എഞ്ചിനിയറിംഗ് വിദ്യാര്ഥിയുടെ പേരില് വ്യജമായി കാര് രജിസ്റ്റ് ചെയ്യുകയായിരുന്നു.
കാര് കേരളത്തില് രജിസ്ട്രര് ചെയ്യണമെങ്കില് ഇരുപത് ലക്ഷത്തോളം രൂപ റോഡ് ടാക്സ് ഇനത്തില് അമല അടയ്ക്കണം. ഇതിനാലാണ് കാര് പോണ്ടിച്ചേരിയില് രജിസ്ട്രര് ചെയ്തതെന്നാണ് ആരോപണം. അതേസമയം, അത്തരമൊരു കാറിനെ കുറിച്ച് തനിക്ക് ഒന്നും അറിയില്ലെന്നാണ് പോണ്ടിച്ചേരി സ്വദേശിയായ എഞ്ചിനിയറിംഗ് വിദ്യാര്ഥി പറഞ്ഞതായും റിപ്പോര്ട്ടുണ്ട്.