മുംബയ്: 13 വര്ഷം മുമ്പേ ഭര്ത്താവിനെ കൊലപ്പെടുത്തി മൃതദേഹം സെപ്റ്റിക് ടാങ്കിലിട്ട സ്ത്രീ പൊലീസ് പിടിയില്. വേശ്യാലയം നടത്തിപ്പുമായി ബന്ധപ്പെട്ട് അറസ്റ്റ് ചെയ്ത ഫരിദാ ഭാരതി എന്ന സ്ത്രീയെ ചോദ്യം ചെയ്തപ്പോളാണ് ഭര്ത്താവടക്കം നിരവധി പേരെ കൊല ചെയ്ത വിവരം പുറം ലോകം അറിഞ്ഞത്. സ്ത്രീയുടെ വീട്ടിലെ സെപ്റ്റിക് ടാങ്കില് നിന്നും ഭര്ത്താവിന്റെ അസ്ഥികൂടം പൊലീസ് കണ്ടെടുത്തു.
ഗാന്ധിപാടയില് സ്ത്രീയുടെ നേതൃത്വത്തില് വേശ്യാലയം നടത്തുന്നുണ്ടെന്ന് പൊലീസിന് രഹസ്യ വിവരം ലഭിച്ചതിനെ തുടര്ന്ന് നടത്തിയ മിന്നല് പരിശോധനയിലാണ് ഫരിദയെ അറസ്റ്റ് ചെയ്തതെന്ന് ഇന്സ്പെക്ടര് കിരണ് കബാടി പറഞ്ഞു. പരിശോധനയില് ഫരിദ തടവില് പാര്പ്പിച്ച നാല് പെണ്കുട്ടികളെ രക്ഷിച്ചെന്നും അദ്ദേഹം കൂട്ടിച്ചേര്ത്തു.
സ്ത്രീയുടെ ഭര്ത്താവായ സഹദേവിനെ 13 വര്ഷം മുമ്പേ ഉറങ്ങിക്കിടക്കുമ്പോള് തലയ്ക്കടിച്ച് കൊലപ്പെടുത്തുകയും പിന്നീട് മൃതദേഹം വീട്ടിലെ സെപ്റ്റിക് ടാങ്കില് ഒളിപ്പിക്കുകയായിരുന്നുവെന്ന് പൊലീസ് പറഞ്ഞു. പ്രതി കുറ്റം സമ്മതിച്ചതായും കൊലയുടെ ഉദ്ദേശ്യം ഇത് വരെ വ്യക്തമായിട്ടില്ലെന്നും പൊലീസ് കൂട്ടിച്ചേര്ത്തു.