അഹമ്മദാബാദ്: പ്രധാനമന്ത്രി നരേന്ദ്രമോദിയുടെ സമുദ്രവിമാന യാത്രയെ വിമര്ശിച്ച് കോണ്ഗ്രസ് അധ്യക്ഷന് രാഹുല് ഗാന്ധി. ഗുജറാത്തിന്റെ വികസനത്തെ കുറിച്ചുള്ള ചോദ്യങ്ങളില് നിന്ന് ശ്രദ്ധ തിരിക്കാനുള്ള പ്രധാനമന്ത്രിയുടെ അടവാണ് സമുദ്രവിമാനയാത്രയെന്ന് രാഹുല് ഗാന്ധി തുറന്നടിച്ചു. തെരഞ്ഞെടുപ്പില് ശക്തമായ അടിയൊഴുക്ക് ഉണ്ടാകുമെന്നും രാഹുല് ഗാന്ധി ആത്മവിശ്വാസം പ്രകടിപ്പിച്ചു. അഹമ്മദാബാദില് മാധ്യമപ്രവര്ത്തകരോട് സംസാരിക്കുകയായിരുന്നു അദ്ദേഹം. കോണ്ഗ്രസ് അധ്യക്ഷനായി തെരഞ്ഞെടുക്കപ്പെട്ടതിന് ശേഷം ആദ്യമായാണ് രാഹുല് മാധ്യമങ്ങളെ കാണുന്നത്. പ്രധാനമന്ത്രി സമുദ്രവിമാനയാത്ര നടത്തുന്നതില് തെറ്റില്ല.