തിരുവനന്തപുരം: സംസ്ഥാനത്ത് സമരം നടത്തുന്ന സ്വകാര്യ ബസുടമകളുമായി സര്ക്കാര് ഇന്ന് ചര്ച്ച നടത്തും. ഗതാഗതമന്ത്രി എ.കെ.ശശീന്ദ്രനുമായി ബസുടമകള് നടത്തുന്ന ചര്ച്ചയെത്തുടര്ന്ന് സമരം പിന്വലിക്കുമെന്നാണ് സൂചന. നേരത്തെ, അനിശ്ചിതകാലസമരം ആരംഭിക്കുന്നതിന് മുന്പ് മിനിമം ബസ് ചാര്ജ് എട്ട് രൂപയാക്കിയിരുന്നു. മാര്ച്ച് മുതല് ഇത് പ്രബാല്യത്തില് വരും .
എന്നാല് ഇത് പര്യാപ്തമല്ലെന്ന് ചൂണ്ടിക്കാട്ടിയാണ് ഉടമകള് സമരത്തിലേക്ക് നീങ്ങിയത്. അതേസമയം, ചാര്ജ് വര്ധന ആവശ്യപ്പെട്ടല്ല സമരമെന്ന് കഴിഞ്ഞ ദിവസം ബസുടമകള് അറിയിച്ചിരുന്നു. ജസ്റ്റിസ് രാമചന്ദ്രന് കമ്മീഷന് റിപ്പോര്ട്ട് പൂര്ണമായും നടപ്പാക്കണമെന്ന് ആവശ്യപ്പെട്ടാണ് സമരമെന്നാണ് ബസ് ഓപ്പറേറ്റേഴ്സ് ഫെഡറേഷന് ഭാരവാഹികള് അറിയിച്ചത്.